Pepeha

E rere, e rere āku pekī hei whakamihi ...

Kia tau iho rā i te tihi o tōku maunga rangatira i Te Tai Rāwhiti, ko Whakapunake tōna ingoa, ā ka kitea whānui te whenua papatipu, arā tōku āhuru mōwai a Aranui.  Ko Aranui tētahi kohanga o Ngāti Peehi, tōku hapū i te wao nui o Ngāti Kahungunu ki Wairoa.

E heke tonu iho ana ōna toto ki Te Wairoa Hōpūpū Hōnengenenge Mātangirau, nāna te waka tapu o Tamatea-Arikinui i kawe, arā ko Tākitimu.  Ka tauria e au i reira, e korihi ana ki ōku huia kaimanawa kei tua i te ārai i te rangi.

Ko Hoani Kapene Te Amo rāua ko Ruira (Pahau) Te Amo ōku mātua tūpuna.

Ko David Brown rāua ko Juanita Te Amo ōku mātua.

Ko Andria (Te Amo- Brown) Vagana ahau.

I te taha o tōku matua- Nō Ingarangi me Itāria ōku mātua tūpuna no reira he uri ahau nō ngā whenua rā.

Here flows my chirping acknowledgements...

Land down to the summit of my chieftly mountain on the East Coast, Whakapunake is his name and from there the mighty breadth of my ancestral lands can be seen, that is my calm place, my sheltered haven- Aranui.  Aranui is one of the nests of Ngatī Peehi, my subtribe in the great forest of Ngāti Kahungunu- that nestles in Wairoa.

Down flows his blood to the long, bubbling, swirling, uneven waters of Te Wairoa, he who carried the sacred waka captained by Tamatea-Arikinui, that is Tākitimu. There I am perched, singing out to my treasured ones beyond the veil of death in the heavenly realm.

My grandparents are Hoani and Ruira Te Amo

My parents are David Brown & Juanita Te Amo

I am Andria Vagana

On my dads side my ancestors descend from England and Italy, therefore I am a descendant of those lands.